Berbatov mendon se Kane është menjëherë pas Ronaldos dhe Messit.
Legjenda e Manchester United, Dimitar Berbatov, ka lavdëruar sulmuesin e Tottenham, Harry Kane.
Ai e pranon se nuk është në nivelin e Cristiano Ronaldos dhe Lionel Messit, por është sipas tij, menjëherë pas tyre.
“Pas Messit dhe Ronaldos, Harry Kane dhe Robert Lewandowski janë dy talentet më të mirë në sportin tonë”, tha Berbatov për “Betfair”.
“Kane asistoi në vikend (në barazimin 3-3 me West Ham), ai në nivel fantastik, diçka të tillë ju prisni vetëm nga Kevin De Bruyne”.
“Është kënaqësi t’i shohësh duke luajtur Kane dhe Son, dy lojtarë fantastik që e njohin njëri tjetrin shumë mirë”. /Gazeta Express/