Kandidatët për studentë protestuan për parregullsi, dënohen nga policia

Gazeta Express

27/10/2020 22:08

Kandidatët për studentë të Fakultetit të Mjekësisë protestojnë para Ministrisë së Arsimit, gjobiten nga Policia.

Që më shumë se dy orë po presin para Ministrisë së Arsimit.

Kandidatët që nuk arritën të regjistrohen në Fakultetin e Mjekësisë, erdhën sërish këtu për të protestuar.

Në këtë formë ata po kërkojnë shtimin e numrit të studentëve ashtu siç ndodhi vitin e kaluar.

Të njëjtit ani pse kaluan pragun e pranimit, nuk mund të studiojnë për shkak të kufizimit në listën e të pranuarve.

Madje Albin Sermaxhaj, kandidat për pranim në fakultetin e mjekësisë thotë se ndihet i diskriminuar nga Ministria e Arsimit dhe institucionet tjera përkatëse.

Ndërkaq është sekretari i Përgjithshëm i UP-së, Esat Kelmendi që thotë se nuk ka mundësi për asnjë ndryshim të listës.

T7 provoi të kontaktojë me Ministrinë e Arsimit për të marrur më shumë informata, por po të njëjtit nuk pranuan të deklarohen.

E pas disa orëve ky tubim u ndërpre nga ana e policisë së Kosovës.

Sermaxhaj u gjobit në një vlerë prej 100 euro, e pastaj policia shpërndau të rinjtë nga tubimi.