Kampionia e botës sërish në kafaz në UFC-251, mbron titullin ndaj sfidantes skoceze

Gazeta Express

20/02/2020 12:14

Valentina Shevchenko, kampione e botës në artet marciale mikes në peshën “flyweight” do të mbrojë titullin në eventin UFC-251, që zhvillohet më 6 qershor. Lajmin e ka konfirmuar ESPN, që thotë se sportistja peruane (me origjinë ruse) do të duelojë ndaj skocezes Joanne Calderwood.

Shevchenko e mbrojti për të tretën herë pak ditë më parë titullin kampion bote, kur mundi në UFC-247 Katlyn Chookagian dhe tani përgatitet për një tjetër duel në kafaz. Ndërsa hera e fundit që Calderwood është ngjitur në kafaz ka qenë shtatori i 2019-ës, kur mundi Andrea Lee.

Sfidantja skoceze ka një rekord prej 14 fitoresh e 4 humbjesh në kafaz, por vështirë se mund të bëjë mrekullinë përballë Shevchenko, që në këtë Divizion është një përdindësh. Për këtë arsye, kampionia e botës konsiderohet favorite për këtë sfidë që do të zhvillohet në fillim të verës.

Breaking: Valentina Shevchenko’s (@BulletValentina) next title defense will come against Joanne Calderwood (@DRkneevil) at UFC 251 on June 6. Both sides have agreed to the fight, per sources. More details coming to ESPN shortly. pic.twitter.com/PkjiYdnn0D

— Brett Okamoto (@bokamotoESPN) February 20, 2020