Juventusi po mendon t’ia ndërpresë kontratën Pogbas

Futboll

Gazeta Express

03/02/2023 9:25

E ardhmja e Paul Pogba në Juventus është në dyshime serioze me klubin që po shqyrton mundësinë e shitjes, apo edhe të ndërprerjes së kontratës së francezit.  

29-vjeçari u kthye në klubin e Serie A verën e kaluar, gjashtë vjet pasi ai u largua nga ata për t’u bashkuar me Manchester United për një tarifë rekord të atëhershëm botëror prej 100 milionë funte.

Ndërsa tifozët e United u gëzuan pasi hoqën qafe një lojtar që pavarësisht talentit të tij nuk ishte i besueshëm, tifozët e Juventusit janë të dëshpëruar pasi rikthimi i tij në klub ka qenë edhe më keq se si shkuan gjërat në sezonet e tij të fundit në Old Trafford.

Kjo për faktin se ai nuk ka luajtur asnjë minutë për bardhezinjtë për shkak të një dëmtimi në gju, vetëm duke u rikthyer në stol si një zëvendësues i papërdorur, gjatë humbjes shokuese të klubit 2-0 nga Monza në fundjavë.

Si rezultat, perspektiva e përfundimit të kontratës së Pogbas në fund të sezonit nuk është më një skenar i pamundur, ndërkohë që ekziston mundësia që ai të shitet në një ligë më pak konkurruese si MLS në Shtetet e Bashkuara të Amerikës.