Juncker godet Kosovën e Serbinë: S’ka BE pa marrëveshje mes dy vendeve


Gazeta Express
12 Qershor 2019 7:10

Presidenti i Komisionit Evropian, Jean-Claude Juncker, ka thënë se nëse Beogradi dhe Prishtina nuk i zgjidhin marrëveshjet mes vete, nuk ka hyrje në Bashkimin Evropian, për asnjërën palë

“Unë kam qenë gjithmonë në favor të një dialogu konstruktiv midis Serbisë dhe Kosovës. Nuk jam i kënaqur që ky proces nuk po ecën në drejtimin e duhur”, tha Junker në një konferencë shtypi me kryeministrin Edi Rama duke iu përgjigjur pyetjes së Tanjugut, nëse ai mendon se deri në skadimin e mandatit aktual të KE-së mund të bëjë përparim në dialog.

Ai u kërkoi Beogradit dhe Prishtinës të kenë më shumë njohuri për pozitën e palës tjetër.

“Nëse kjo mosmarrëveshje midis Serbisë dhe Kosovës nuk zgjidhet, askush nuk do të ketë mundësinë për t’u bërë anëtare e BE-së.

Ne nuk duam të imponojmë paqëndrueshmëri në BE, ne duam të eksportojmë stabilitet në këto vende apo çfarëdo që ju e quani atë”, përfundoi Junker.

Kujtojmë se Junckerit i skadon mandati tash me zgjedhjet që pritet të mbahen në parlamentin evropian.

Te fundit


Kthehu lart