Gabriel Jesus theu një rekord, të mbajtur nga ylli i PSG, Neymar, pasi arriti 100 gola në karrierë. Ky sukses erdhi falë “hat-trick” të së mërkurës në Champions, kundër Dinamo Zagreb. Manchester City e mbylli fazën e grupeve me katër fitore dhe dy barazime në gjashtë ndeshje.
Për Jesus, goli i tij i dytë në Zagreb ishte 100-ti në karrierën e brazilianit, ndërsa i treti e kaloi “një shekull”. Sulmuesi ka shënuar 28 herë për Palmeiras, 18 herë për kombëtaren e Brazilit dhe 55 herë me Manchester City, në një karrierë që është ende në fazat e para.
10 – Aged 22 years and 252 days, Gabriel Jesus is now the youngest Brazilian player to reach 10 goals in the Champions League – overtaking Neymar who did so aged 23 years and 75 days. Samba. #UCL #DINMCI pic.twitter.com/ndzUp1iP13
— OptaJoe (@OptaJoe) December 11, 2019
Po ashtu, shënimi i 100 golave nuk ishte i vetmi moment historik që Jesus arriti në Zagreb, të mërkurën, pasi sulmuesi i “qytetarëve” u bë edhe braziliani, që shënon më i ri se gjithkush tjetër 10 gola në Ligën e Kampionëve, transmeton Telesport.
Neymar e arriti këtë “stacion” në moshën 23 vjeç dhe 75 ditë, por Jesus e kapërceu atë, duke e shënuar golin e tij të 10-të në Champions vetëm 22 vjeç dhe 252 ditë.