James buzë kalimit në Katar

Futboll

Gazeta Express

21/09/2021 11:11

James Rodriguez pritet t’i ndajë rrugët me Evertonin sapo të ketë arritur marrëveshje me klubit e Katarit Al Rayyan.

Ish-ylli i Real Madridit u pa në aeroportin e Mançesterit të dielën, nga ky thuhet të ketë udhëtuar drejt Katarit për t’iu nënshtruar testeve mjekësore, raporton Gazeta Express.

Hollësitë nga ujdia mes Evertonit dhe Al Rayyanit ende nuk janë bërë të ditura, por besohet se James do t’i bashkohet klubit nga Katari në një marrëveshje huazimi.

Për përfaqësuesin e Kolumbisë interesim kishin shprehur edhe klubet italiane, turke dhe portugeze, por asnjëra prej tyre nuk ishte në gjendje ta mbulonte pagën e tij të lartë.

James ende nuk e ka vënë nënshkrimin mbi marrëveshje me Al Rayyan, por kjo pritet të ndodhë shumë shpejt, pasi ka pajtim mes të tri palëve./Gazeta Express/