Ish-ambasadori O’Connell angazhohet në një detyrë të re në Britani - Gazeta Express
string(65) "ish-ambasadori-oconnell-angazhohet-ne-nje-detyre-te-re-ne-britani"

Ish-ambasadori O’Connell angazhohet në një detyrë të re në Britani

Lajme

Gazeta Express

08/08/2022 13:04

Ish-ambasadori i Britanisë së Madhe në Kosovë, Ruairi O’Connell është emëruar drejtor ndërkombëtar i Rregullatorit Financiar në Britani (FCA).

O’Connell ka përvojë të gjatë si në Ministrinë e Jashtme ashtu edhe në atë të Brendshme të Mbretërisë së Bashkuar. Ai iu bashkua Ministrisë së Brendshme në vitin 2020.

Lexo Edhe:

Detyrat e tij në FCA do të përfshijnë ofrimin e ndihmës për të formësuar strategjinë ndërkombëtare të rregullatorit financiar, duke përfshirë çështjet që ndërlidhen me largimin e Mbretërisë së Bashkuar nga BE-ja.

O’Connell, një mbështetës i madh i Kosovës, shërbeu si ambasador nga viti 2015 deri më 2019.

Më parë, ai kishte shërbyer si shef i Misionit të Mbretërisë së Bashkuar në Kosovë nga viti 2004 deri më 2008.