Interi nuk ka mundur të marrë më shumë se një pikë në shtëpi, duke barazuar 0-0 me Romën. Kështu, nëse Juventusi e mposhtë nesër Lazion, do të rimarrë kreun e tabelës në Serie A, që humbi xhiron e kaluar
Interi rrezikon të humbasë kreun e tabelës në Serie A.
Të besuarit e Antonio Contes janë ndalur në ““Giuseppe Meazza”, duke barazuar 0-0 me Romën.
Për 90 minuta, Interi ishte skuadër më kërkuese, me Martinez e Lukaku që tentonin të gjenin golin, ashtu si në shumë ndeshje këtë edicion – por në fund rrjetat mbetën të paprekura.
Kështu, Interi bëri një hap fals në të mirë të Juventusit pasi nëse të shtunën ‘Zonja e Vjetër’ e mund Lazion në ‘Olimpico’, do të marrë kreun e tabelës në Itali që e humbi xhiron e kaluar.
Interi me këtë pikë të fituar kundër Romës ka shkuar në 38 pas 15 xhirove, Juve e dyta me 36 me një ndeshje më pak të zhvilluar. /Gazeta Express/