Infantino zbulon kur merret vendimi final pas propozimit që Kupa e Botës të zhvillohet çdo 2 vite

Sport

Gazeta Express

20/10/2021 19:14

Këshilli i FIFA-s është mbledhur sot pasditë për të diskutuar mundësinë e ndryshimit të orarit në futboll, përfshirë edhe mundësinë e organizimit të Kupës së Botës çdo 2 vjet.

Presidenti i FIFA-s, Gianni Infantino ka thirrur një samit botëror ku do të vendoset përfundimisht mundësia që Botërori të organizohet çdo 2 vjet.

“Ne duhet të garantojmë të ardhmen e futbollit. Ka ardhur koha për të kërkuar një kalendar më të mirë. Futbolli duhet të përmirësohet. Organizimi i Kupës së Botës çdo 2 vite është një opsion më shumë. Shumë federata evropiane kanë votuar pro, por ata na kanë kërkuar që të flasim me të gjitha palët para se të merret një vendim. Për këtë ne kemi thirrur një samit botëror me 20 dhjetor për të vendosur përundimisht rreth kësaj ideje” ka thënë Infantino.