Këtë vit, Ambasada Amerikane në Shqipëri ka uruar festën e Çlirimit të vendit, 29 nëntorin. Mirëpo kjo nuk i ka pëlqyer gazetarit Ilir Ekonomi, i cili dikur ishte spiker në “VOA – Zëri i Amerikës”
Me një koment kundër Ambasadës, ai ka kujtuar se në 30 vite karrierë nuk mban mend që zyrtarët amerikanë të festojë dhe urojnë 29 nëntorin.
Madje shton, duke u shprehur i përulur, se urimi ishte një gabim diplomatik ndaj të gjithë qytetarëve që kanë vuajtur nga regjimi diktatorial.
“Zyrtarët amerikanë nuk e kanë festuar kurrë të ashtuquajturën Ditë të Çlirimit në Shqipëri. Sipas mendimit tim modest, ky është një gabim i rëndë diplomatik nga ana juaj dhe atyre që kanë vuajtur nga shtypja komuniste në Shqipëri duhet të kërkojnë falje sa më shpejt që të jetë e mundur,”-shkruan ai në komente.
Por pse kontestohet 29 nëntori?
Në nivel historik prej 3 dekadash në Shqipëri, politikanë e historianë janë të ndarë mbi ditën se kur u çlirua vendi. Prej vitesh Festa e Çlirimit, e cila ka ndarë edhe politikën, është nderuar nga disa palë më 28, ndërsa nga të tjerë më 29. Kjo e fundit, nga kritikët konsiderohet si një datë e stisur nga komunizimi.