Sulmuesi argjentinas nuk e di nëse do të luajë edhe sezonin e ardhshëm në PSG apo do të rikthehet në Inter. Interesim për të ka shfaqur Juventusi
Mauro Icardi nuk është i vendosur ende për të ardhmen e tij, shkruan Gazeta Express.
Sulmuesi argjentinas është i huazuar këtë sezon në Paris Saint-Germain, ndërsa kartonin e tij e mban Interi.
Kampioni francez e ka mundësinë e blerjes së kartonit të futbollistit për 70 milionë euro gjatë verës që vjen.
Përfaqësuesin argjentinas nuk e do trajneri Antonio Conte dhe atë mund ta shesin Zikaltrit.
Ish-futbollisti i Sampdorias i ka realizuar 19 gola në të gjitha kompeticionet këtë sezon.
Mirëpo, ai po kalon nëpër një krizë pasi i ka vetëm 2 gola në 12 ndeshjet e fundit.
E menaxherja dhe bashkëshortja e tij, Wanda Nara nuk e di nëse lojtari do të mbetet në Paris apo jo.
Interesim për Icardin ka shfaqur edhe Juventusi. /Gazeta Express/