Ibrahimovic merr dënim të dyfishtë për kartonin e kuq

Futboll

Gazeta Express

13/04/2021 12:55

Zlatan Ibrahimovic është pezulluar me një ndeshje dhe është gjobitur me 5.000 euro për kartonin e kuq që e mori në fitoren e Milanit kundër Parmës.

Ibrahimovic u përjashtua direkt me karton të kuq nga Pablo Maresca në fitoren e kuqezinjve 3:1 kundër Parmës në fundjavë, për sjellje josportive, raporton Gazeta Express.

Si pasojë, ai do të mungojë në ndeshjen e ardhshme të Milanit kundër Genoas dhe do të detyrohet t’i paguajë 5.000 euro gjobë.

Sulmuesi suedez e mohoi se e kishte fyer gjyqtarin Maresca.

Trajneri i Milanit, Stefano Pioli, kishte thënë pas ndeshjes se 39-vjeçari kishte argumentuar me gjyqtarin por nuk e kishte ofenduar.

“Ibrahimovic më tregoi se gjëja e vetme që ia kishte thënë gjyqtarit ishte kjo: ‘Ty vërtet nuk të bën se çfarë them unë?’”./Gazeta Express/