Si pasojë e aksidentit të sotëm në aksin Vlorë-Levan ka humbur jetën shoferja 23-vjeçare, Angjela Çapo. Në media është publikuar edhe foto e viktimës.
Angjela Çapo
Aksidenti ka ndodhur pranë vendit të quajtur Kripa, teksa automjeti ka dalë nga rruga dhe është përplasur me murin mbrojtës, më pas ka rënë në kanal.
Ndërkohë si pasojë e aksidentit është plagosur rëndë edhe 22-vjeçarja Silvana Muho. Shkak mësohet të jetë shpejtësia e mjetit jashtë normave të lejuara. Në vendngjarje kanë shkuar forca të shumta policie dhe zjarrfikëse, të cilët kanë bërë të mundur identifikimin e trupit të pajetë të 23-vjeçares.