Ish-kryeministri dhe kreu i AAK-së, Ramush Haradinaj, ka dalë kundër emërimit të Miroslav Lajçakut si përfaqësues special i Bashkimit Evropian për dialogun në mes të Kosovës dhe Serbisë, raporton Gazeta Express.
Haradinaj ka shkruar në Facebook se ai dhe familja e tij, si dhe AAK-ja janë me Shtetet e Bashkuara të Amerikës.
“Jemi me të ngarkuarit e Amerikës për Ballkanin dhe Kosovën; I besojmë me jetë institucioneve të sigurisë nacionale të Amerikës”, ka shkruar Haradinaj.
Kundër emërimit të Lajcakut si emisar të BE-së për dialogun Kosovë – Serbi ka dalë edhe presidenti i vendit, Hashim Thaçi. /GazetaExpress/