Erling Haaland ka shkëlqyer duke i realizuar dy golat e triumfit të Borussia Dortmundit 2:1 kundër Paris Saint-Germain në ndeshjen e parë të 1/8 së finales mes tyre në Ligën e Kampionëve.
Sulmuesi i talentuar norvegjez shënoi dy gola në debutimin e tij për Dortmundin në Ligën e Kampionëve të martën në Signal Iduna Park, por goli i si mysafir Neymarit i jep gjasa dhe shpresa të mëdha francezëve për kualifikim në ndeshjen e kthimit në Paris, raporton Gazeta Express.
Në një ndeshje të baraspeshuar, ishte pikërisht ylli shpërthyes në këtë edicion të Ligës së Kampionëve, Haaland, ai i cili e bëri dallimin, duke i lënë nën hije yjet si Neymar dhe Mbappe.
Pas një pjesë të parë pa gola, të tre golat u shënuan në një periudhë prej tetë minutave në pjesën e dytë.
Haaland e realizoi golin e parë për Dortmundin në Champions, tamam në debutimin e tij për klubin gjerman në këtë garë pas transferimit nga RB Salzburg në janar, në minutën e 69-të, kur e futi në rrjetën e portës një top të kthyer nga portieri.
Neymar iu përgjigj atij duke e barazuar rezultatin në minutën e 75-të, falë një depërtimi individual brilant nga Kylian Mbappe.
Por Haaland u kundërpërgjigj në mënyrë magjike, duke shënuar supergola nga largësia me këmbën e tij të ligë, të majtën, vetëm dy minuta më vonë.
Dortmundi udhëton drejt Parisit më 11 mars për ndeshjen e kthimit me një fitore minimale, por PSG-ja do të mundohet ta shfrytëzojë golin e shënuar si mysafir për ta arritur kualifikimin në çerekfinale./Gazeta Express/
Dashamirës të kuzhinës italiane në Prishtinë, përgatituni për të shijuar pasta, pica dhe sallata të shijshme, pasi Vapiano është...