Gundogan infektohet me koronavirus

Gazeta Express

21/09/2020 12:26

Manchester City ka konfirmuar se Ilkay Gundogan ka dalë pozitiv në testin për koronavirus, pas rundit të fundit të testimit.

Mesfushori do të vetizolohet për 10 ditë në përputhje me protokollin e Premierligës dhe qeverisë britanike, transmeton Gazeta Express.

Si pasojë, ai do të mungojë në takimin hapës të City në Premierligë kundër Wolves.

Në fillim të këtij muaji, City i kishte edhe dy lojtarë të tjerë që u prekën nga ky virus, Riyad Mahrez dhe Aymeric Laporte.

Trajneri Pep Guardiola përballet me dilema para rikthimit të të kaltërve në aksion në ligë.

Mahrez do të jetë në dispozicion të tij, por jo edhe Laporte dhe Gundogan.

“Manchester City konfirmon se Ilkay Gundogan ka dalë pozitiv në testin për Covid-19”, shkroi City në një reagim. /Gazeta Express/

NEWS | @IlkayGuendogan has tested positive for Covid-19.

? #ManCity | https://t.co/axa0klD5re https://t.co/ObJdA4ncov

— Manchester City (@ManCity) September 21, 2020