Grupi i Kumanovës: Lagjen e Trimave e orkestruan Ali Ahmeti dhe Nikolla Gruevski me partiakët e tyre


Gazeta Express
16 Maj 2019 13:06

Të dënuarit në shkallën e parë për luftimet në Kumanovë, kanë dalë me letër publike në të cilën akuzojnë se funksionarë të lartë politik dhe policor e kanë inskenuar rastin.

Në letrën e grupit të Kumanovës shkruan se orkestruesit shqiptar janë Ali Ahmeti, Musa Xhaferi, Bekir Asani, Ejup Alimi, Arif Asani, Shenasi Mehmedi, Sadulla Duraku, Zemri Qamili, Besir Dehari, shkruan Shenja.

Në palën maqedonase si orkestrues akuzohen Nikolla Gruevski, Sasho Mijallkov, Gordana Jankullovska, Mitko Çavkov, Stojan Angellov dhe Gjorge Ivanov.

Të dënuarit kërkojnë prej kryeministrit që të publikojë provat që i lidhin këta persona me rastin.

Këto gjëra u publikuan gjatë seancës së sotme në gjykatë të apelit ku po shqyrtohet ankesa për vendimin e shkallës së parë të gjykatës.

Artikull i sponsoruar

Te fundit


Kthehu lart