Gruaja nga Deçani që lëvron dhe vozit të gjitha automjetet bujqësore

Gazeta Express

03/06/2020 14:48

Ajne Nitaj është një grua nga fshati Drenoc i komunës së Deçanit, e cila së bashku me bashkëshortin e saj, Ymer Nitaj, kanë në pronësi një fidanishte e cila merret me prodhim të materialit fidanor dhe dru frutor që 17 vjet.

Në këtë fidanishte, përveç punëtorëve sezonalë, punën më të madhe e bëjnë pjesëtarët e familjes Nitaj.

Ajnja tregon se si është krah i djathtë i punës në këtë fidanishte për bashkëshortin e saj.

“Kur është t’u punu ky këtu në fidanishte, më thirrë në telefon e më thotë: “Ajnë, merre traktorin, kamionin, unë ia bi këtu se djemtë në shkolla e fakultete, e mu m’u ka dashtë me i ndihmu gjithmonë”, ka thënë Ajne Nitaj.

Ajo ka treguar se traktorin e nget qe 14 vjet, po ashtu edhe të gjitha mjetet e tjera të punës.

Në fidanishten e familjes Nitaj kultivohen të gjitha llojet e mollave.

Për më shumë mund të ndiqni videon e mëposhtme.