Gruaja me barkun më të vogël, akuzohet se ka mashtruar për shtatzëninë

Lajme

Gazeta Express

19/10/2021 17:43

Një nënë e re u bë virale në TikTok pasi ndau disa foto gjatë pritjes së ëmbël, gjë që ngriti dyshime te përdoruesit e internetit se po mashtron. Megjithëse 20-vjeçarja Sofia Cavacini lindi vajzën e saj në Mars të këtij viti, shtatzënia e saj diskutohet ende e kësaj dite.

Sofia Cavacini ndau një foto në muajin e 7-të të shtatzënisë por njerëzit besojnë se po mashtronte për shkak të barkut të vogël. Barku i 20 vjeçares dukej relativisht i vogël në krahasim me gratë e tjera shtatzëna. Për këtë arsye, ajo u bë shumë shpejt virale.

“Ajo nuk është shtatzënë, ai bark nuk rritet”, shkroi njëra, ndërsa një tjetër shtoi: “Ndalo gënjeshtrat se je shtatzënë. Mendoj se ajo është vetëm e fryrë”. Sidoqoftë, Sofia mirëpriti vajzën e saj Serafina në mars duke treguar se të gjitha pretendimet ishin të gabuara.