Greqia vazhdon ndalesën për hyrje në kufi deri më 12 tetor - Gazeta Express

Ballina

Gazeta Express

01/10/2020 10:35

Greqia vazhdon ndalesën për hyrje në kufi deri më 12 tetor

Ballina

Gazeta Express

01/10/2020 10:35

Greqia i vazhdoi deri më 12 tetor dy vendimet e mëhershme për kufizimin e përkohshëm të lidhjeve tokësore, detare dhe ajrore të vendit dhe të ndalesës për hyrje të shtetasve nga vende të treta, përcjell Gazeta Express.

Lidhur me kufijtë tokësorë, kufizimet, “për shkaqe preventive për mbrojtje të shëndetit publik nga përhapja e mëtutjeshme e koronavirusit Kovid-19 në territorin grek” janë për periudhën kohore prej 1 deri më 12 shtator 2020, ndërsa për turistët dhe shtetasit e huaj për të cilët nuk ekziston ndalesë, është e lejuar hyrja vetëm përmes Bullgarisë, përkatësisht përmes vendkalimit kufitar Promahonas dhe vetëm me test molekular negativ për Kovid-19 të bërë deri 72 orë para arritjes.

Nga vendkalimet e tjera kufitare që janë të hapura, përkatësisht Kakavijë dhe Kristalopigi drejt Shqipërisë, Evzoni (Bogorodicë) drejt Maqedonisë së Veriut, Nimfea drejt Bullgarisë dhe Kipi drejt Turqisë, hyrja në Greqi është e lejuar vetëm për kategori të caktuara dhe gjithashtu me test negativ PCR.

Këto vendkalime kufitare janë të hapura prej orës 7:00 të mëngjesit deri në orën 23:00, ndërsa ndalesa nuk vlen: për shtetas grekë, për persona të cilët kanë leje qëndrimi dhe jetojnë në Greqi, për hyrje të personave për shkaqe absolutisht të domosdoshme profesionale apo mjekësore për të cilat kanë edhe dokumentacionin e nevojshëm, si dhe për tranzit të automjeteve spitalore të cilat nga Kosova përmes Maqedonisë së Veriut hyjnë në Greqi për hospitalizim të pacientëve të cilët i takojnë personelit diplomatik, ushtarak apo administrativ të vendeve anëtare të BE-së dhe EULEX-it në Kosovë.