Glauk Konjufca nuk ia dorëzon detyrën Meliza Haradinajt

Gazeta Express

05/06/2020 11:59

As Glauk Konjufca nuk ka bërë përjashtim në mesin e ministrave të Lëvizjes Vetëvendosje që nuk ia dorëzuan detyrën pasardhësit në ministritë që ata e kanë drejtuar deri tani.

Meliza Haradinaj-Stublla e ka pranuar detyrën e ministres së Punëve të Jashtme nga sekretari i kësaj Ministrie.

Para se ta marrë detyrën e kryediplomates kosovare, Haradinaj-Stublla ka bërë homazhe te Memoriali “Heroinat” nga ku u zotua se të vërtetën e Kosovës do ta thotë zëshëm në botë, ashtu siç do të kërkojë drejtësi për plagët e luftës.