“Gjithçka shkoi siç e diskutuam shef” Rama flet për shkrimin e Bild: E ka bërë Ylli Manjani


Gazeta Express
16 Maj 2019 21:41

Artikulli i gazetës së njohur gjermane Bild mbi klimën politike në Shqipëri sipas Edi Ramës është bërë nga ish Ministri i Drejtësisë Ylli Manjani dhe gazetari Basir Çollaku.

Kështu ka deklaruar kryeministri, i cili i ftuar në emisionin Opinion ka deklaruar se këto ishin dy burimet e përdorura në artikullin e Bild, teksa gazetën e quan një “tabloid”.

Rama: Këtë e ka shkruar Ylli Manjani dhe Pastref çe ka ai (Basir Çollaku)… unë po përgjigjem dhe po të them që Bild ka bërë një shkrim dhe është bazuar në këto burime, njëri i Tv Shijakut dhe njëri i filxhan partisë dhe gazetari ka bërë një shkrim.

Por kur Blendi Fevziu e ka pyetur në lidhje me një pjesë të artikullit, Rama ka deklaruar se nuk merret me të tilla “pisllëqe”.

Fevziu: Bild shkruan se më 11 shtator të vitit 2016, Rama i telefonoi kreut të një komisioni zgjedhor rajonal për të pyetur nëse zgjedhjet kishin shkuar ashtu siç ishte diskutuar. Përgjigja e drejtuesit të zgjedhjeve: Po, shef, gjithçka siç e kemi diskutuar. A është bërë kjo bisedë?

Rama: Nëse nga dhjetëra e mijëra biseda që unë bëj ju më kërkoni diçka që unë nuk e gjej dot. Por kurrë nuk ka ndodhur që unë të merrem me këto pisllëqe të cilat kanë marrë përsipër t’i pastrojnë ata që janë shkaku kryesor i krijimit të këtij pisllëku. Unë nuk kam asnjë problem që të përballem me çdo lloj hetimi. Nuk mundet kurrë të shkëpusësh një fjali dhe të ngresh një kauzë.

Te fundit


Kthehu lart