Gjendet një person i vdekur në Dumnicë të Podujevës, Policia jep detaje

Lajme

Gazeta Express

26/03/2023 20:29

Policia e Kosovës ka bërë të ditur se të dielën në orët e pasditës është gjetur një person pa shenja jetë në fshatin Dumnicë të Podujevës.

Zyrtarët policorë janë në vendin e ngjarjes për të hetuar rrethanat e rastit.

“Sot rreth orës 18:00, kemi marrë informatën për një person të lënduar, në fshatin Dumnicë të Podujevës. Menjëherë pas marrjes së informatës në vendin e ngjarjes kanë dalë njësitet e nevojshme policore dhe ekipi mjekësor, të cilët kanë konstatuar vdekjen e viktimës. Aktualisht zyrtarët policor, në koordinim me prokurorin e shtetit janë duke punuar për të ndriçuar dhe sqaruar të gjitha rrethanat që kanë të bëjnë me këtë rast”, ka thënë Flora Ahmeti, zëdhënëse e Policisë së Kosovës për rajonin e Prishtinës.