Flirt në studio mes Ronaldos dhe Marsielës

Yjet

Gazeta Express

21/05/2026 20:01

Konkurrentja e “Për’puthen”, Marsiela, ishte e ftuar në emisionin “Live From Tirana”, të moderuar nga Ronaldo Sharka, ku foli për eksperiencën e saj në programin e dashurisë, si dhe për planet që ka për të ardhmen.

Gjatë intervistës, një moment i veçantë mori vëmendje, pasi biseda mes moderatori dhe të ftuarës kaloi në tone më të çlirëta dhe flirtuese.

Marsiela e nisi duke i bërë një kompliment Ronaldos, teksa i tha se nga afër i dukej më simpatik nga sa kishte menduar më parë.

“Je më simpatik nga sa mendoja që ishe”, u shpreh ajo.

Moderatori e falënderoi, ndërsa Marsiela shtoi se kishte krijuar përshtypjen se ai ishte shumë sarkastik, diçka që, sipas saj, e kishte bezdisur më parë. Megjithatë, pas takimit në studio, ajo pranoi se Ronaldo i ishte dukur më i këndshëm.

Ronaldo, nga ana tjetër, tha se i pëlqen kur arrin t’i surprizojë njerëzit në këtë mënyrë.

“Është bukur kur i surprizon njerëzit në këtë formë. Ndonjëherë dikush në ekran mund të duket shumë simpatik, si në karakter ashtu edhe fizikisht, por nga afër të zhgënjen. Me mua ndodh e kundërta dhe unë e shijoj shumë këtë gjë”, tha moderatori.

View this post on Instagram

A post shared by TOP ALBANIA RADIO (@topalbania.radio)

Biseda më pas mori një drejtim edhe më ngacmues, kur Marsiela tha se mendonte se kishin ende shumë gjëra për të folur dhe se intervista nuk po i mjaftonte.

“Në program apo pas programit?”, e pyeti Ronaldo, duke shtuar me humor: “Mund ta vijojmë, po ku?”

Marsiela iu përgjigj me batutë: “Çfarë, do përputhemi ne?”

“Jo, nuk jam tip që përputhem kollaj, por mund të përqafohemi”, ia ktheu Ronaldo.

E ftuara vazhdoi me humor, duke thënë se ishte “e lodhur nga përputhja”, ndërsa moderatori e pyeti se ku mund ta vazhdonin bisedën pas emisionit.

Ronaldo propozoi një takim në natyrë, duke theksuar se nuk është shumë i dhënë pas bisedave në kafe. Marsiela e pyeti nëse po mendonte ta çonte në mal, por kur ai e pyeti nëse i pëlqente mali, ajo u përgjigj shkurt: “Jo”.

Në fund, moderatori e mbylli momentin me batutën: “Mund të gjejmë diçka të mesme.”

Ky shkëmbim replikash krijoi një moment të lehtë dhe argëtues në studio, duke tërhequr vëmendjen e publikut për tonet flirtuese mes të dyve. /GazetaExpress/