Filmi “Illyricvm” shfaqet tri net radhazi në kinemanë “Jusuf Gervalla”

Arte

Gazeta Express

09/05/2023 16:13

Ne datat 10, 12 dhe 14 maj në kinemanë “Jusuf Gervalla” në Pejë shfaqet filmi “Illyricvm”  me regjisor Simon Bogojević-Narath.

Illyricvm është film historik-aventuresk kroat/slloven/italian/kosovar/boshnjak i vitit 2022, me regjisor Simon Bogojević-Narath.

Prodhimi i tij u parapri nga një hulumtim historik pasi regjisori i filmit Simon Bogojević-Narath donte të bënte një film në gjuhën ilire dhe latine të cilat sot janë zhdukur. Për të rindërtuar gjuhën ilire, profesori Ranko Matasović i Fakultetit të Shkencave Humane dhe Sociale në Zagreb bashkëpunoi me autorët e filmit. Autorët gjithashtu u përpoqën të rindërtonin rrobat, armët dhe kulturën ilire sa më mirë që të mundeshin bazuar në burimet shkencore në dispozicion dhe në bashkëpunim me Muzeun Arkeologjik në Zagreb.

-Viti është 37 para Krishtit. Një i ri Liburn, Volsus merret nga një njësi romake për të ndihmuar në atë që në fillim duket një detyrë e thjeshtë për mbledhjen e taksave, por takimet me fiset lokale ilire shpejt çojnë në kthesa të papritura të ngjarjeve, pasi ato tregojnë më shumë qëndrueshmëri ndaj nënshtrimit sesa duket në sy. Ne e shohim botën e tyre arkaike, emocionale të ligjeve dhe traditave të çuditshme dhe brutale përmes syve të këtij të riu, të konsideruar nga romakët si një barbar primitiv, dhe gradualisht kuptojmë se bota e tyre nuk është aspak e ndryshme nga e jona.

-Filip Križan si Volsus
-Labeat Bytyçi si Curtius
-Ylber Bardhi si Darmocus

/Express/