Ministri i Shëndetësisë, Venko Filipçe u takua këtë mëngjes me infermierët nga Klinika e Sëmundjeve Infektive, për të cilat mbrëmë në rrjetet sociale u publikua se kanë paraqitur kërkesë për dorëheqje, përfshirë edhe infermieren kryesore të klinikës.
“Këtë mëngjes u takova me koleget, Zorica, Silvana dhe Divna, infermiere nga Klinika e Sëmundjeve Infektive. Ata kanë qenë në linjën e parë në luftën kundër pandemisë për shtatë muajt e fundit. Për përkushtimin dhe punën e palodhshme i falënderova shumë. Kur punohet në kushte kaq të vështira me shumë stres dhe lodhje, është e kuptueshme që ka nevojë për ndryshim që unë i kuptoj plotësisht. Sidoqoftë, këtë mëngjes i ftova për bisedë dhe biseduam për të qëndruar në Klinikë ku vlerësohet jashtëzakonisht shumë puna e tyre”, shkroi Filipçe në profilin e tij në Fejsbuk.
Ai theksoi se kanë rënë dakord pas pushimit të merituar që e kanë marrë të bisedojnë përsëri dhe të gjejnë një mënyrë për të vazhduar së bashku në betejën me Kovid 19 në Klinikën e Sëmundjeve Infektive.
“Çdo person në shëndetësi është i rëndësishëm dhe unë do të bëj gjithçka për t’i motivuar punonjësit shëndetësorë”, përfundoi Filipçe.
Mbrëmë në rrjetet sociale u publikuan kërkesa për largim nga puna nga infermierët nga Klinika e Sëmundjeve Infektive, midis të cilave edhe kërkesa nga kryeinfermierja.