Falë FaceAppit gjejnë djalin e rrëmbyer para 18 vjetësh


Gazeta Express
21 Korrik 2019 17:19

Aplikacioni FaceApp i cili është bërë viral ditëve të fundit, përmes të cilit mund të plakni veten, përtej të qenit një aplikacion argëtues duket se ka rezultuar edhe i dobishëm.

Një 21-vjeçar, i cili ishte rrëmbyet kur ishte vetëm 3 vjeç, u ribashkua me familjen e tij pas 18 vjetësh, pasi policia arriti ta gjente falë përdorimit të teknologjisë së plakjes së fytyrës që ofron ky aplikacion.

Kështu, u përdor një foto e të zhdukurit kur ishte 3 vjeç, dhe përmes FaceAppit u arrit te një fytyrë më e vjetër.

Policia e krahasoi foton e përftuar në një bazë të dhënash të mijëra personave. Pasi përzgjodhën rreth 100 persona potencialë, oficerët ia dolën të gjenin studentin 21-vjeçar.

“Kur e gjetëm, refuzoi të besonte se ishte fëmijë i rrëmbyer, por ADN-ja përputhej me atë të prindërve të tij biologjikë”, tha një prej hetuesve.

Weifang u zhduk në vitin 2001, pranë një kantieri ndërtimi ku punonte babai i tij.

Te fundit


Kthehu lart