“Pipi Çorapëgjata” është një personazh me famë botërore i sjellë në jetë nga autorja suedeze Astrid Lindgren. Flokëkuqja nëntë vjeçare e pabindur, argëtuese dhe me bishtaleca është bërë një emër i njohur për shumë kë, për shkak të aventurave të saj të çuditshme. Ajo është vajza më e fortë në botë dhe jeton vetë në një vilë shumëngjyrëshe në pyll. Po ashtu, jeton në shoqërinë e një majmuni dhe kali.
Gazetare: Albulena Demaku
Ky emër i këtij personazhi u vendos nga vajza e autores suedeze Lindgren. Ajo e krijoi personazhin e Pipit si një mënyrë për të argëtuar vajzën e saj të sëmurë. Vajza e autores vuante nga pneumonia dhe ishte plotësisht e lidhur me shtratin gjatë vitit të saj të parë të shkollës.