Ermali e fton në premierën e filmit, ja ç’vendim merr Besi

Gazeta Express

27/01/2020 9:31

Ermal Mamaqi dhe Bes Kallaku në fund të vitit që lamë pas patën një përplasje publike që bëri bujë në media. Shkak u bë deklarata e Besit i cili tha ‘Ermali bën biznes, unë bëj komedi’. Ermali reagoi duke theksuar se nuk ka asgjë të keqe të merresh me biznes sepse fundja edhe Besi po e shet filmin. Pas postimeve të tyre në Instagram, u përfol se Ermali dhe Besi e kanë prishur miqësinë.

Por kjo nuk është e vërtetë sepse Ermali ka treguar se ata ende flasin me njëri-tjetrin.

I ftuar sot në “Thumb on”, Ermali tregoi se e ka ftuar Besin në premierën e filmit, në 29 Janar, por ai do e ketë të pamundur të shkojë pasi do jetë në Izrael.

“E kam thirrur Besin. Edhe ia më thirri por isha në Amerikë. Besi nuk besoj se do vijë sepse me sa më tha do jetë në Izrael. I thashë sa të vish ke vendin më të mirë në sallë që ta shohësh”, tha Ermali.