“Emri i presidentit kalon nga zyrat e LDK-së”

Gazeta Express

05/08/2020 7:18

Nënkryetari i LDK-së, Lutfi Haziri, ka thënë në emisionin Pressing në T7 se emri i kryeministrit dhe i presidentit të Kosovës kalojnë nëpër zyrat e LDK-së.

Ai komentoi deklaratën e tij pas zgjedhjeve të 6 tetorit 2019 kur tha se emri i kryeministrit kalon nëpër zyrat e LDK-së.

“Jo vetëm sot, por edhe 10 vjet e them këtë. Jo vetëm kryeministri, por edhe presidenti kalon nga zyrat e LDK-së”, tha ai.

“Thaçi e ka kuptuar këtë. Andaj ai bëri koalicion me LDK-në dhe u bë president. Edhe presidenti i ardhshëm duhet të bëjë këtë”, tha ai.