Ekspozitë, ‘Shënime: Imazhe’ / Shtëpia e Evropës

Arte

Gazeta Express

09/05/2023 14:19

Ekspozita e katër artistëve të rinj kosovar Besfort Syla, Arrita Katona, Zana Begolli dhe Qazim Gashi do të prezantohet sot me fillim nga ora 18:00 në Shtëpinë e Evropës.

Nëpërmjet objektivit të tyre, ata dokumentojnë nënkulturat, eksperimentojnë me mediumin e kamerës dhe shtyjnë kufijtë e roleve tradicionale gjinore.

Ekspozita do t’i referohet veprës kryesore të Susan Sontag “On Photography”, e cila eksploron fuqinë dhe kufizimet e fotografisë si një medium për përfaqësimin e realitetit. Idetë e Sontag ofrojnë një kornizë për të kuptuar mënyrat në të cilat këta katër artistë po sfidojnë normat gjinore përmes fotografisë së tyre.

Së bashku, këta artistë ofrojnë një perspektivë të freskët dhe dinamike për botën përreth nesh, duke sfiduar paragjykimet tona dhe duke hapur mendjen tonë ndaj mundësive të reja.

/Express/