E tmerrshme: Në Ferizaj turma e sulmon sërish gruan rome


Gazeta Express
31 Maj 2019 14:03

Sërish është sulmuar fizikisht gruaja e komunitetit rom, kësaj here në Ferizaj. Pardje, ajo u sulmua në Lipjan.

Gruaja rome që pak ditë më parë u pa në media dhe u linçua nën akuza të rrejshme, sot u sulmua edhe në qytetin e Ferizajt.

Policia e rajonit të Ferizajt ka konfirmuar për Gazetën Express se momentalisht e njëjta gjendet në stacionin policor.

“E kemi marrë një informatë nga një person që e kanë parë gruan në shesh, momentalisht gjendet në rajon, jemi duke provu me marrë në pyetje mirëpo nuk ka folur asnjë fjalë”, thonë nga policia.

Ata shtojnë se e njëjta nuk ka shenja të dhunës e madje edhe se nuk e dinë nëse dikush e ka sulmuar, pavarësisht se sipas fotografive që ka publikuar Express ajo shihet e shtrirë për tokë.

Momentalisht sipas policisë, hetuesia është duke u marrë me rrethanat si ka ndodhur rasti.

Pas rastit të së mërkurës me gruan rome, e cila në rrjete sociale u prezantua rrejshëm si keqbërëse dhe më pas u sulmua edhe fizikisht nga disa të rinj në Lipjan, dje ka reaguar deputeti i Partisë Rome të Bashkuar të Kosovës, Albert Kinolli, i cili nga llogaria e tij në Facebook bëri të ditur se tashmë gruaja në fjalë është nën mbrojtje shtetërore dhe institucionale.

“Të nderuar, sa për informacionin tuaj, dëshiroj të ju njoftoj se para një ore bisedova me drejtorin e Policisë së Kosovës Z. Rashit Çalaj, dhe para pak minutave i njëjti më konfirmoi se znj. nga komuniteti Rom nga sot do të jetë nën mbrojtjen Shtetërore dhe Institucionale dhe do të jetë e strehuar në vend të sigurt dhe se Gjykatat dhe Prokuroria janë duke bërë punën e tyre që ata persona të cilët e sulmuan personin në fjalë të dalin para drejtësisë dhe të marrin dënimin e merituar. Me respekt, Alberti”, ka shkruar deputeti Kinolli.

Gazeta Express ka siguruar pamje nga sulmi i saj që ndodhi para 30 minutave në Ferizaj:

Artikull i sponsoruar

Te fundit


Kthehu lart