E shtyu 39- vjeçari pasi një sherri banal, ndërron jetë i moshuari


Gazeta Express
23 Korrik 2019 13:41

Policia e Durrësit njofton se ka shpallur në kërkim një 39-vjeçar pasi gjatë një sherri të momentit ka shtyrë një të moshuar, i cili u rrëzua në tokë, dhe pas tre ditësh në spital, 80-vjeçari ndërroi jetë si pasojë e plagëve.

A.Z me banim në lagjen numër 13 të qytetit të Durrësit, akuzohet për “plagosje e rëndë me dashje, me pasojë vdekje”.

Ngjarja ndodhi më 20 korrik, ku pas një konflikti të çastit ka shtyrë 80-vjeçarin me inicialet Z.K banues në në lagjen Nr.2 Durrës.

Për pasojë i moshuari është rrëzuar në tokë dhe ka dëmtuar kokën. Ai u transportua në Spitalin e Traumës, Tiranë dhe ditën e sotme ka ndërruar jetë.

“Po punohet për sqarimin e plotë të rrethanave të ngjarjes. Veprimet hetimore janë kryer nën drejtimin e Prokurorisë së Rrethit Gjyqësor Durrës”, thotë policia në një njoftim paraprak për ngjarjen.

Te fundit


Kthehu lart