Një ngjarje e rëndë ka ndodhur në Librazhd, ku një i ri është hedhur nga ballkoni i katit të pestë. Ngjarja ndodhi mbrëmjen e sotme në lagjen “Agjensia” në qytetin e Librazhdit.
Mësohet se 24-vjeçari me inicialet J.S., ka rënë mbi një shkurre dekorative para pallatit.
Zhurma e tmerrshme dhe ulërimat e tij kanë shokuar banorët e pallatit ku ka ndodhur ngjarja. I ri është transportuar me urgjencë drejt spitalit të Librazhdit, ndërkohë që pasi ka marrë ndihmën e parë është nisur drejt Traumës në Tiranë.
Deri më tani nuk janë të qarta rrethanat që e çuan të riun drejt këtij veprimi.