E fejuara shtatzënë e kryeministrit britanik thotë se ka shfaqur ‘simptome të koronavirusit’

Gazeta Express

04/04/2020 18:55

E fejuara e kryeministrit të Britanisë së Madhe thotë se ka shfaqur ‘simptome të koronavirusit’.

Carrie Symonds nëpërmjet një postimi në Twitter tha se nuk është testuar për virus.

Ajo po jeton ndaras nga kryeministri Boris Johnson, që kur ky i fundit u diagnostikua me Covid-19.

“Kam kaluar javën e kaluar në shtrat me simptome të koronavirusit. Nuk kisha nevojë për testim, pas shtatë ditësh pushim, ndihem më e fuqishme”, shkroi ajo.

Johnson doli pozitiv me virus javën e kaluar dhe që atëherë është në vetizolim.