Droguan e shfrytëzuan seksualisht 17 vjeçaren, gjykata vendos për të arrestuarit

Gazeta Express

14/07/2020 16:15

Gjykata ka vendosur të lërë në burg pa afat personat e akuzuar për abuzimin, drogimin e shfrytëzimin e një 17 vjeçareje në Fushë- Krujë, ngjarje e zbuluar dhe denoncuar nga e mitura pak ditë më parë.

Fatjon Leka, Eduard Cangu dhe Arbis Shima do të qëndrojnë në burg deri në fund të hetimeve, ndërsa Leonard Stafa do të qëndrojë në arrest shtëpie.

Katër të rinjtë u arrestuan të dielën pas një hetimi disamujor, ndërsa u shpallën në kërkim edhe 2 persona të tjerë të implikuar, Alket Brata dhe Ameld Merlika, ky i fundit u arrestua sot në Sarandë.