Lidhur me vrasjen e shqiptarit ndodhur dy ditë më parë në provincën e Pisa, Itali, ka ardhur një reagim nga Kryetari i komunës Castelnuovo di Val di Cecina, Alberto Ferrini.
Në një postim në Facebook, Ferrini duke u treguar i rezervuar në dhënien e detajeve ka dhënë disa informacione se si ndodhi ngjarja, duke theksuar se policia është ende në vendngjarje për zbardhjen e plotë të krimit.
“Në orët e vona të 18 gushtit persona të maskuar kanë qëlluar me armë drejt një makine me targa gjermane. Më pas kriminelët janë larguar me shpejtësi.
Ndërkohë që në makinë ka mbetur i vdekur një person me origjinë shqiptare që nuk banonte në atë zonë, i shoqëruar nga një i njohur në bordin e makinës i cili supozohet se nuk është lënduar.
Me të plagosurin ende të ulur në makinë, ai ka udhëtuar përgjatë Via dei Lagoni, duke u ndalur më pas në restorant-birrarinë, që ndodhet rreth një kilometër nga vendi i të shtënave, duke kërkuar ndihmë.
Më pas i plagosuri ndërroi jetë. Policia (karabinierët dhe policia) janë ende të pranishme në vendin e ngjarjes.
Dyshohet se vrasja ka ndodhur për motive hakmarrjeje. Autoritetet italiane ende nuk kanë bërë të ditur emrin e viktimës”, shkruan ai.
/Gazeta Express
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...