Dështon transferimi i Modricit në Milan

Gazeta Express

02/06/2020 16:20

Largimi i Zvonimir Bobanit nga “Rossoneri” i ka zbehur gjasat që mesfushori kroat të përfundojë në “San Siro”

Luka Modric mund të transferohej gjatë kësaj vere tek Milani.

Për këtë siguron portali italian, “Calciomercato”, përcjell “Gazeta Express”.

Mesfushori kroat i kishte premtuar ish-drejtorit të Milanit, Zvonimir Boban se do t’i bashkohej atij në “San Siro” në fund të këtij sezoni.

Mirëpo, Boban u shkarkua nga posti i tij në muajin mars dhe kjo bëri që fituesi i Topit të Artë ta ndërrojë mendjen.

Tash, ish-futbollisti i Tottenhamit pritet të qëndrojë në Real Madrid dhe ta respektojë kontratën, e cila i skadon në vitin 2021.

34 vjeçari ka qenë njëri prej mesfushorëve më të mirë në Evropë në dekadën e fundit. /Gazeta Express/