“Dëshmitarja e parë, e traumatizuar”, gazetarja Anila Hoxha zbulon detaje nga sulmi i ‘TCH’

Shqiperi

Gazeta Express

28/03/2023 10:50

Gazetarja Anila Hoxha e ftuar në “Wake up” në lidhje me sulmin ndaj Top Channel tregoi se personi i parë që e ka parë të ndjerin Pal Kola në minutat e fundit të jetës ka qenë një kolege e saj e cila ishte e traumatizuar.

“Dëshmitarja e parë ka qenë një kolege e imja që s’po ia përmend emrin, dhe ajo kishte mbaruar turnin dhe po priste oficerin e Policisë e traumatizuar dhe më thoshte “Pse po vonojnë?”.  

Është djegur një Range Rover, autorët, mënyra se si kanë lëvizur, tregon që ka qenë e mirëmenduar.

Ish-dhëndri i Pal Kolës, ky shtetas dyshohet se merret me trafikim klandestinësh, dhe është shoqëruar bashkë me një shokun e tij. Ai u ndalua në Vlorë dhe u mësua se ka qenë dhe në Gjirokastër ditën e djeshme edhe është lënë i lirë.

Përpikmëria, shpejtësia, makina që kishin zgjedhur, target e vjedhura…tregon për një mekanizëm mafioz të organizuar”, tha gazetarja për “Wake Up”. /Gazeta Express