Deponia e rrezikshme me bërllok që po rrezikon disa fshatra të Pejës

Gazeta Express

31/05/2020 17:23

Banorët e fshatrave të rajonit të Pejës: Lutogllava, Sverka e Thatë, Terstenik, Nabërgjan, Budisalc janë në hall me një deponi bërlloku që po rrezikon jetën. Një pjesë e këtyre banorëve kanë edhe shtëpitë afër deponisë.

Banorët kanë dërguar foto në adresë të Gazetës Express dhe janë ankuar se është duke iu rrezikuar jeta. Kanë thënë se nuk e kanë të sigurt as punimin e tokës pasi po depërtojnë edhe ujërat në drejtim të arave të tyre.

Zyrtarët të Komunës së Pejës kishin thënë më herët për Express se s’mund ta mbyllin deponinë por do ta mirëmbajnë.