Dëbimi i diplomatit rus, Ambasada ruse në Tiranë reagon ashpër

Shqiperi

Gazeta Express

21/01/2021 23:14

Media ruse “Sputnik” ka publikuar një reagim në lidhje me shpalljen non grata të diplomatit rus në Tiranë, Mikhail Afanasyev, ku cilëzohen të pabazuara akuzat ndaj diplomatit.

Gjithashtu selia diplomatike ruse në Tiranë konfirmoi për agjencinë “RIA Novosti” se ka marrë notën nga pala shqiptare dhe informoi Ministrinë e Jashtme Ruse.

“Ne i konsiderojmë të pabazuara të gjitha akuzat ndaj diplomatit rus të përmendura në këto dokumente. Ne gjithashtu vërejmë se zbulimi në njoftimin për shtyp i emrit të punonjësit tonë kundërshton ashpër praktikën e vendosur ndërkombëtare diplomatike.” tha misioni diplomatik rus.