Dalin pamjet kur Xhelal Sveçla përleshet dhe goditet në lokal

Gazeta Express

27/02/2020 17:01

Rreth orës 16:00, në njërën prej lokaleve te “Kafet e Vogla” në Prishtinë, është sulmuar fizikisht zv/ministri i Punëve të Brendshme, Xhelal Sveçla.

Sveçla kishte qenë i pranishëm gjatë një konflikti, ku një person i moshës së rritur tenton që të sulmojë një fëmijë të mitur, që ishte duke kërkuar para.

Personi që po sulmonte të miturin, siç shihet në pamjet e publikuara e godet në kokë Sveçlën.

Ndryshe, VV-ja ka mohuar se Sveçla është sulmuar.

“Ka qenë i pranishëm kur ka ndodhë konflikti në mes të një të rrituri dhe një lypsari që atë moment ka qenë duke kërku para, një person ka provuar që të sulmojë të miturin dhe z.Sveçla ka reaguar duke e thirrur policinë”, ka thënë për Express, zëdhënësi i LV-së Arlind Manxhuka.