Çrregullohet moti, borë në Bosnjën qendrore

Gazeta Express

26/05/2020 9:29

Ulja e temperaturave në rajon po sjell mot mjaft të paqendrueshëm, kurse në malet e Bosnjës dje pati edhe reshje bore.

Në disa foto të publikuara nga mediat e Bosnjës, shihet se borë ka rënë në afërsi të Liqenit Prokoskos, rreth zonës së Fojnicës në Bosnjën qendrore.

Këto masa ajrore me origjinë polare mjaft të ftohta për këtë kohë sipas meteorologëve do të vazhdojnë të jenë prezente edhe ditëve të ardhshme kur pritet që përsëri të ketë reshje bore në viset më të larta të rajonit.