Çfarë po ndodh, edhe sot vazhdojnë kufizimet e energjisë elektrike

Lajme

Gazeta Express

16/08/2022 10:48

Ndonëse dje Ministria e Ekonomisë njoftoi se është kthyer furnizimi i rregullt me energji elektrike, zëdhënësi i KEDS-it, Viktor Buzhala, thotë se edhe sot do të vazhdojnë kufizimet e rrymës, shkruan Express.

Buzhala tha se reduktimet po bëhen për shkak se furnizimi është duke u bazuar nga prodhimi vendor dhe nuk ka mjete për të blerë energji elektrike në tregjet ndërkombëtare.

Zëdhënësi i KEDS deklaroi se duhet të aplikohet alternativa e kursimit të energjisë.

“Ishtë planifikuar që të jepen 90 milionë euro, por ato para asnjëherë nuk janë dhënë dhe kjo e ka zhytur systemin elektroenergjetik në kolaps”, tha Buzhala për Express.

Njëjtë si ministrja Rizvanolli, edhe Buzhala tha se ky dimër do të jetë i ‘rëndë për të gjithë Evropën’.

“Reduktimet do të vazhdojnë deri në ndryshimin e parametrave. Çmimet për megavat janë rritur”, tha ai. /GazetaExpress/