Bashkia e Skraparit vlerëson me titullin “Qytetar nderi” mjekun e njohur infeksionist, Pëllumb Pipero.
Me propozim të kryetarit te Bashkisë, Adriatik Mema, Këshilli i Bashkisë Skrapar i ka akorduar titullin “Qytetar Nderi”, profesor doktor, Pellumb Pipero.
Motivacioni i titullit është: “Për veprimtari të shquar profesionale dhe akademike për gjatë gjithë karrierës së tij në fushën e mjekësisë, veçanërisht në atë të sëmundjeve infektive, si dhe për kontributin e çmuar profesional dhe publik në përballimin e situatës së pandemisë, shkaktuar nga COVID-19”
Që prej nisjes së pandemisë covid19, Pëllumb Pipero ka qenë çdo ditë pjesë e mjekëve që “luftonin” më sëmundjen tek Infektivi në Tiranë.
Ndërsa pothuajse çdo natë ai ka dalë me këshillat e veta në studiot televizive.