Deputeti socialist i Komisionit të Sigurisë Spartak Braho reagoi ashpër ndaj Ilir Metës, i cili deklaroi dy ditë më parë se mazhoranca po bën grusht shteti, duke tentuar të kapë Gjykatën Kushtetuese.
Gjatë mbledhjes së komisionit, teksa diskutohej akti normativ “anti-KCK”, Braho u shpreh se është absurde të mendosh që Edi Rama do bëjë grusht shteti kundër vetes së vet.
“Është absurde, si mundet që Edi Rama të bëjë grusht kundër vetes së tij. Opozita i organizon grushtet e shtetit. Mazhoranca e ka pushtetin pse do bëjë grusht shteti! Kështu kjo është jo vetëm qesharake, por është një lloj justifikimi.
Unë jam deputet i vjetër, kam qenë prezent kur Sali Berisha ka tentuar dy here të bëjë grusht shteti. Edhe njëherë po ju them nuk e bën grusht shteti mazhoranca sepse ajo e ka pushtetin. Kaq e thjeshtë është logjika”, tha ai.
Samsung një ndër brendet më të njohura në botën e teknologjisë, sjell një promovim shumë tërheqës me paketë dhuratash...