Bora e parë, Komuna e Prishtinës deklarohet për pastrimin e rrugëve

Lajme

Gazeta Express

30/11/2020 11:33

Komuna e Prishtinës thotë se ekipet janë duke pastruar rrugët dhe po hedhin kripë e rërë sipas nevojë rurale dhe urbane në mënyrë që rrugët jenë të kalueshme.

Drejtoresha e Shërbimeve Publike në komunën e Prishtinës, Medina Braha, ka shkruar se ekipet e komunës janë gjatë gjithë kohës në gatishmëri për intervenimet e nevojshme.

“Bora e parë për këtë vit ra mbrëmë. Ekipet tona kanë pastruar dhe hedhur kripë e rërë sipas nevojës në pjesët rurale dhe urbane ashtu që rrugët të mos jenë të pakalueshme. Ato janë tërë kohën në gatishmëri për intervenimet e nevojshme”, ka shkruar Braha.