Bonucci bëhet viral me një ndërhyrje “brutale” ndaj një futbollisteje në ndeshje bamirësie

Futboll

Gazeta Express

16/06/2025 12:12

Ish-futbollisti italian, Leonardo Bonucci harroi për një moment se po e zhvillonte një ndeshje bamirësie.

Ish-mbrojtësi i Juventusit dhe i Milanit u bë viral pas një ndërhyrjeje “brutale” që e bëri ndaj një… futbollisteje.

Në fakt, kapitenia e Anglisë, Steph Houghton po shkonte drejt topit kur ish-përfaqësuesi italian ndërhyri ashpër në të duke i çuditur të gjithë të pranishmit në stadiumin “Old Trafford” në Manchester, shkruan “Daily Mail”, përcjell “Gazeta Express”.

Bonucci Not about the Woke life 🤣🤣🤣#SoccerAid pic.twitter.com/CuQVwmL5RM

— Amit (@amit_mavar) June 15, 2025

Me topin që po hynte në zonë, Bonucci dhe Houghton po shkonin drejt tij, por Bonucci shkoi “zhag” dhe e fitoi topin, derisa më pas u përplas me futbollisten, e cila përfundoi e shtrirë në tokë.

Të gjithë mbetën të habitur me veprimin e ish-futbollistit duke e pasur parasysh se ishte një ndeshje bamirësie dhe që përballë e kishte një futbolliste grua.

Disa komentues e përgëzuan Bonuccin për këtë ndërhyrje, e të tjerë ishin kritikues duke i pasur parasysh arsyet e sipërpërmendura. /Gazeta Express