Miliarderi Michael Bloomberg është kualifikuar për debatin mes kandidatëve presidencialë nga radhët e Partisë Demokratike, i cili do të zhvillohet të mërkurën. Kjo do të jetë paraqitja e tij e parë në një debat të këtij lloji.
Ish-kryetari i Nju Jorkut e kaloi pragun e detyrueshëm të Komitetit Kombëtar të Demokratëve të martën përmes sigurimit të 19 për qind të përkrahjes në nivel kombëtar.
Kjo ishte anketa e katërt, në të cilën ai siguron përkrahje prej më shumë se 10 për qind, që është kusht për kualifikim në debat.
Prania e Bloomberg-ut në debatin e kandidatëve paraqet një frymë të re vetëm disa ditë para zgjedhjeve në Nevada, të cilat mbahen të shtunën, shkruan “CNN”, transmeton Gazeta Express.
Pesë kandidatët e tjerë, të cilët janë kualifikuar për debat më herët, janë treguar të gatshëm që ta sulmojnë miliarderin që personalisht i shpenzoi më shumë se 400 milionë dollarë për reklama në televizione, radio dhe platforma digjitale.
Debati i së mërkurës do të jetë testi i parë i rëndësishëm për Bloomberg-un, i cili është përpjekur t’i shmanget përballjes së drejtpërdrejtë me kandidatët.
Dashamirës të kuzhinës italiane në Prishtinë, përgatituni për të shijuar pasta, pica dhe sallata të shijshme, pasi Vapiano është...